Jonathan WONG
Eulogy from Youngest Grandson

大家好﹐我係Jonathan﹐爺爺最細既孫仔。 

我記得﹐係我仲係十一歲個陣時﹐阿爺同我講﹐叫我大個仔一定要成為一個律師。 

阿爺就係咁關心我地D孫仔孫女。成日都會問我地﹐而家讀緊邊間學校呀﹖讀緊邊一科呀﹖成績點呀﹑欏到幾多個A呀﹖我D表哥表姐地都儸到A勒﹐我希望我以後都可以羅到。

爺爺係一個好成功既人﹐既成就為我地樹立左一個做人既崇高既標準。一直以唻﹐我地力求做到最好﹐唔會令爺爺失望。

我地屋企有好多人﹐要阿爺知道哂我地每個人做緊D野真係唔係咁容易﹐但係阿爺點都會抽到時間去關心我地每一個人。例如成日都會問我有冇高大左呀﹐又成日都會問Howard (黃啟羲﹖)瘦左呀一樣。

窩打老道148號﹐係呢度﹐有豐富既食物﹐仲有無限既寬厚同埋慈愛﹐足以令到每一個係呢度住既人茁壯成長。

return to Home Page

每逢過節﹐例如農曆新年﹑中秋節﹑或者聖誕節﹐我地一家大細都會聚首一堂﹐呢個時候會見翻好多屋企人﹐大家講下近況﹐仲有﹐一齊大吃大喝

所有屋企人係外國翻哂唻﹐雖然我地天各一方﹐但我地每個人都會好似爺爺一樣﹐為自己既目標而奮鬥。屋企大部份既人都移民左外國﹐但我地會好似爺爺咁﹐以不屈不撓既精神去迎接新既挑戰。好多時候﹐屋企人都會翻唻﹐因為屋企既門口永遠都會開住等地。

係窩打老道148號﹐我地唔單止大吃大喝。我出世比較遲﹐比屋企其他人起碼細十年。以前每逢星期日我地一齊去沙田飲茶﹐而家已經改成每逢星期四去高爾夫球會打波。我係球場打波既時候﹐爺爺一定會坐係一邊﹐好有耐性咁住我﹐我係唯一一個留係香港既孫。

我好榮幸﹐可以同阿爺一齊係窩打老道148號相處左一段咁長既日子﹐我住係樓上既。阿爺對我既影響﹐而家未算好深遠﹐因為我係人生閱歷方面仍然好膚淺﹐但隨著時間﹐阿爺對我既影響必定會慢慢發揮作用我對爺爺感激不盡﹐多謝大家分享我對爺爺講既最後呢番說話。多謝大家。